Türkiyə prezidenti Rəcəb Tayyib Ərdoğan bildirib ki, Rusiyanın taxıl sazişinə qayıtması Qərb ölkələrinin öz öhdəliklərini yerinə yetirməsindən asılıdır.
TRT Haber xəbər verir ki, o, bu barədə televiziya ilə çıxışında bildirib.
“Şübhəsiz ki, bu qarşıdurmanın gələcək fəsadlar olmadan həlli Qərb ölkələrinin öz vədlərini yerinə yetirməsindən asılıdır. Təəssüf ki, son vaxtlar “müqavilələrə hörmət edilməlidir” prinsipinə əməl olunmur”, – deyə Ərdoğan bildirib.
Onun sözlərinə görə, Qərb ölkələri tərəfindən “Qara dəniz təşəbbüsü nəticəsində yaranmış müsbət atmosferi əvvəlcə atəşkəsə, sonra isə daimi sülhə çevirmək üçün” diplomatik addımlar atılmayıb.
Türkiyə prezidenti əlavə edib ki, Ankara bu məsələlərdən hər hansı birində kömək etməyə hazır olduğunu açıq şəkildə bildirib.
Mənbə: TRT Haber
