Estoniyanın baş naziri Kaja Kallas deyib ki, NATO dövlətləri Baltikyanı dövlətlərdən nümunə götürərək müdafiə xərclərini əhəmiyyətli dərəcədə artırmalıdır. Onun sözlərinə görə, Ukraynadakı vəziyyətə görə bu gün təhlükə Soyuq Müharibə dövründəkindən daha böyükdür.
O, bu barədə DPA agentliyinə məlumat verib.
“Mən bunu NATO səviyyəsində də təbliğ edirəm. 1988-ci ilə baxın, bütün NATO müttəfiqləri ÜDM-in 2%-dən çoxunu müdafiəyə xərcləmişdilər. Bəs niyə? Çünki təhlükənin ciddi olduğunu düşünürdülər. Bununla belə, indi təhlükə Soyuq Müharibə dövründəkindən daha böyükdür…”, – Kallas bildirib.
Əvvəllər bildirilirdi ki, NATO müdafiə xərclərini artırmağı və bu sahəyə ÜDM-in ən azı 2%-ni xərcləməyi planlaşdırır.
Mənbə: Haber Global
