Ermənistanın Baş naziri Nikol Paşinyanın əleyhdarları İrəvanın mərkəzində yerləşən hökumət binasına daxil olublar.
Doğru.az xəbər verir ki, bu barədə “RİA Novosti”nin hadisə yerində olan müxbiri məlumat verib.
Bildirilib ki, bina daxilində bir neçə nazirliyin ofisi yerləşir.
Müxalifətçilər birinci mərtəbədəki foyedə mitinq keçirərək nazirliklərin işçilərini Paşinyan tərəfdarlarının mitinqlərində iştirak etməməyə çağırıblar. Bundan sonra onlar Paşinyanın istefasını tələb edən şüarlar səsləndirərək binanı tərk ediblər.
“Aksiyamızı bitiririk. Məqsədimiz istənilən nazirliyə girə biləcəyimizi göstərmək idi”, – deyə iştirakçılardan biri qeyd edib.
