Gürcüstan parlamentinin spikeri Şalva Papuaşvili bildirib ki, ölkə bundan sonra Avronest Parlament Assambleyasının iclaslarında iştirak etməyəcək.
Doğru.az xəbər verir ki, Papuaşvilinin sözlərinə görə, Avronest Avropa Parlamenti tərəfindən şantaj alətinə çevrilib və üzv dövlətlərin seçkilərinə və demokratik təsisatlarına müdaxilə etməyə çalışır.
“Avronest-in gürcü xalqının iradəsinə məhəl qoymaması və öz təsisçi mandatından kənara çıxması qəbuledilməzdir”, – spiker sosial şəbəkədə yazıb. O, Gürcüstana qarşı ədalətsiz münasibət səbəbindən bu qərarın alındığını vurğulayıb.
Qeyd edək ki, Tbilisi artıq oktyabrın 28-30-da Yerevanda keçiriləcək 12-ci plenar sessiyada iştirakdan imtina etmişdi.
DOĞRU.AZ
