Tbilisidə parlament binası yaxınlığında gecə etirazları zamanı 50 nəfər saxlanılıb.
Bu barədə Rustavi-2 Gürcüstan Daxili İşlər Nazirliyinə istinadən məlumat yayıb.
Telekanalın məlumatına görə, cəmi üç günlük etiraz aksiyalarında 200 nəfər saxlanılıb, onlardan bəziləri artıq sərbəst buraxılıb.
“Gün ərzində inzibati işlərə baxılacaq. Saxlanılanlara əsasən polisə tabe olmamaq və xırda xuliqanlıq ittihamları irəli sürülüb”, – telekanal xəbər verir.
Bundan əvvəl bildirilmişdi ki, etirazçılar Tbilisi Universitetinin qarşısındakı yolu bağlayıblar.
DOĞRU.AZ
