Gürcüstan Konstitusiya Məhkəməsi prezident Salome Zurabişvilinin impiçmenti məsələsi ilə bağlı 80 deputatdan sorğu alıb, təşkilat bir ay ərzində parlamentə hesabat təqdim edəcək.
RİA Novosti bu barədə strukturun mətbuat xidmətinə istinadən yazır.
“Konstitusiya təqdimatlarının müəllifləri 2023-cü il sentyabrın 12-də Konstitusiya Məhkəməsinə müraciət ediblər. Sentyabrın 14-də konstitusiya təqdimatlarının qeydiyyatı proseduru başa çatdıqdan sonra təqdimat qanunvericiliklə müəyyən edilmiş qaydada qeydə alınıb”, – məlumatda deyilir.
Daha sonra işə məhkəmənin plenumunda baxılacaq və o, parlamentə rəy verəcək. Mətndə qeyd olunur ki, baxılma tarixi daha sonra müəyyən ediləcək.
Bundan əvvəl Gürcüstan parlamentinin Prosessual Məsələlər və Qaydalar Komitəsi prezident Salome Zurabişvilinin impiçment proseduruna başlamaq üçün toplanmış deputatların imzalarının həqiqiliyini təsdiqləyib.
Mənbə: RİA Novosti
