Hemotest laboratoriyasının tibbi eksperti Olqa Ulankina Rusiyada çikunqunya virusunun yayılması ilə bağlı vəziyyəti şərh edib.
Doğru.az xəbər verir ki, ekspert RT-yə açıqlamasında bu xəstəliyin qəfil başladığını və əsas simptomlarının 40 °C-ə qədər yüksək hərarət, yorğunluq, əzələ və oynaq ağrıları, səpgilər və baş ağrısı olduğunu bildirib. Onun sözlərinə görə, çikunqunyaya xas simptom zəifləyən artralgiyadır (oynaq ağrıları), bu isə normal hərəkətə mane olur. Xəstəliyin kəskin mərhələsi on günə qədər davam edir.
Ulankina əlavə edib ki, xəstələrin üçdə birində oynaq ağrıları aylarla davam edən xroniki formaya çevrilir. “Çikunqunya xüsusilə yeni doğulmuş körpələr, yaşlılar və xroniki xəstəlikləri olan insanlar üçün təhlükəlidir. Nadir hallarda ciddi fəsadlara – meningoensefalit, miokardit, kəskin böyrək çatışmazlığına səbəb ola bilər”, – deyə o izah edib.
Mütəxəssis həmçinin vurğulayıb ki, virusu əsasən pələng ağcaqanadları yayır və onları ayaqları ilə kürəyindəki ağ-qara zolaqlardan tanımaq mümkündür.
DOĞRU.AZ
