Hindistanın Kerala ştatında küçə festivalı zamanı filin sakinlərə hücumu nəticəsində azı 17 nəfər yaralanıb, onlardan birinin vəziyyəti hazırda ağırdır. İnternetdə yayılan videoda fil bir ziyarətçini gövdəsi ilə tutur və onu müxtəlif istiqamətlərə yelləyir.
Bu barədə Hindistanın NDTV telekanalı məlumat yayıb.
Tədbirdə ən azı beş fil iştirak edib. Onlardan biri özünü aqressiv aparmağa başlayıb, sürücü heyvanı sakitləşdirməyə çalışıb, lakin nəticəsi olmayıb.
Oktyabr ayında Hindistanda fil onunla selfi çəkmək istəyən kişiyə hücum edib.
DOĞRU.AZ
