Avropa İttifaqına üzv ölkələrin xarici işlər nazirləri Ukrayna Xarici İşlər Nazirliyinin rəhbəri Dmitri Kulebanın dəvəti ilə ilk dəfə olaraq Kiyevdə qeyri-rəsmi görüş üçün bir araya gələcəklər, Hollandiya Xarici İşlər Nazirliyinin rəhbəri Hanke Bruins Slot bildirib.
X sosial şəbəkəsində (keçmiş Twitter) o qeyd edib ki, tədbir zamanı tərəflər Rusiya hərbi xüsusi əməliyyatının davam etdirilməsi fonunda Kiyevə davamlı dəstəyini nümayiş etdirəcəklər.
“Biz Aİ-nin Rusiyaya təzyiqi daha da necə artıra biləcəyini və Ukraynanı dəstəkləməyin bütün mümkün yollarını indi və gələcəkdə müzakirə edəcəyik”, – Bruins Slot yazıb.
O əlavə edib ki, Ukraynaya dəstək Hollandiya üçün əsas prioritetlərdən biri olaraq qalır. Bruins Slot vurğulayıb ki, krallıq “ədalət zəfər çalana qədər” Kiyevə kömək etməyə davam edəcək.
Mənbə: A Haber
