Bakıda keçirilən II Azərbaycan–Özbəkistan Media Forumunun iştirakçısı, Özbəkistan Jurnalistlər İttifaqının sədri Xolmurad Səlimov Azərbaycan Mətbuat Şurasında (MŞ) görüşüb.
Görüş zamanı Mətbuat Şurasının sədri Rəşad Məcid iki ölkənin media birlikləri arasında əlaqələrin genişləndiyini, Forumun isə münasibətlərin strateji xarakter almasının göstəricisi olduğunu bildirib. O, MŞ-nin Özbəkistan Jurnalistlər İttifaqı ilə əməkdaşlığını ümumi işə mühüm töhfə kimi qiymətləndirib.
Doğru.az xəbər verir ki, Xolmurad Səlimov çıxışında iki qurum arasındakı sıx təmaslardan danışıb və ötən il aprelin 22-də imzalanan Əməkdaşlıq Memorandumunun əhəmiyyətini vurğulayıb. O qeyd edib ki, sənəd çərçivəsində hər iki ölkənin media təmsilçilərinin qarşılıqlı səfərləri təşkil olunur və bu səfərlər təcrübə mübadiləsi və ortaq maraqların qorunması baxımından önəmlidir.
DOĞRU.AZ
