İnsan quruluşu həm daxildən, həm də xaricdən möhtəşəmdir.
Allah insanı canlıların ən ali olaraq yaradıb.
Bizim həm ağılımız, həm də duyğularımız var; düşüncələrimizi beynimizlə qurur, qərarlarımızı isə həm ağıl, həm də hislərimizlə veririk. Çox zaman Adəm övladı ağılla deyil, duyğularla hərəkət edir.
Duyğular və emosiyalar bizə güc verir, bizi idarə edir. Sevgi və mərhəmət kimi hisslər həyatımızı zənginləşdirir, lakin bəzən səhv qərarlara gətirib çıxarır və yaddaşımızda silinməyən peşmanlıqlar yaradır. Nəfsimiz də insanı bəzən yanlış yollara sürükləyir, lakin o olmadan bəşəriyyət bu günkü kimi olmazdı.
Dünyada gözəlliklər də çoxdur – ağaclar, çiçəklər, göy üzü, günəş və buludlar. Lakin daxilimizdəki hislər bəzən zərər verə biləcək qərarlara səbəb olur. Ona görə də çalışmaq lazımdır ki, iradəmiz güclü olsun və hər duyğunu, hər hissi bir dəfə yaşamaqla yetinə bilək.
İnsan həm ağılı, həm hisləri, həm də nəfsi ilə bəşəriyyətin möcüzəsini yaşadır və öyrənir.
Humay Cəfərova
DOĞRU.AZ
