İran və Sudan diplomatik münasibətləri bərpa etmək qərarına gəlib. Bu barədə İran Xarici İşlər Nazirliyinin Telegram kanalında dərc olunan bəyanatda deyilir.
“İran İslam Respublikası və Sudan Respublikası öz aralarında diplomatik münasibətləri bərpa etmək qərarına gəliblər”, – nəşr yazır.
İdarədən verilən məlumata görə, bu qərar ötən aylar ərzində yüksək səviyyədə qarşılıqlı əlaqələrin nəticələrinə əsasən qəbul edilib. Beləliklə, İran və Sudan regionda təhlükəsizlik və sabitlik sahəsində tərəfdaşlıqlarını dərinləşdirməyə razılaşıblar. Bundan əlavə, dövlətlər yaxın gələcəkdə öz ərazilərində bir-birlərinin səfirliklərini açacaq və ikitərəfli əməkdaşlığın inkişafını müzakirə etmək üçün rəsmi nümayəndə heyətləri yaradacaqlar.
Mənbə: A Haber
