İran hakimiyyəti bu gün, mayın 6-da İsveç-İran vətəndaşı Həbib Çaabı edam edib, İsveçin xarici işlər naziri Tobias Billström bildirib. Onun sözlərinə görə, krallıq rəhbərliyi bu faktdan təşvişlə xəbər tutub.
“Ölüm cəzası qeyri-insani və geri dönməz cəzadır və İsveç, Avropa İttifaqının qalan hissəsi ilə birlikdə onun istənilən şəraitdə istifadəsini pisləyir. Həbib Çaab edam cəzasına məhkum ediləndən bəri İsveç hökuməti bu məsələni İran rəsmiləri ilə yüksək səviyyədə müzakirə edib”, – Billström Tvitter hesabında yazıb.
İsveç Xarici İşlər Nazirliyinin rəhbərinin qeyd etdiyi kimi, krallıq İrandan Həbib Çaabın cəzasını ləğv etməyi tələb edib. O, həmçinin əlavə edib ki, bu məsələni iranlı həmkarı Hüseyn Əmir Abdullahyanla söhbətində şəxsən qaldırıb.
Mənbə: Haber 7
Doğru.az
