İtaliyanın xarici işlər naziri, İtaliyanın baş nazirinin müavini Antonio Tajani bildirib ki, Nigerdə dövlət çevrilişi cəhdi fonunda sülh yolu tapılmalıdır.
O, hakimiyyəti qanuni hökumətə qaytarmaq üçün ölkəyə hərbi müdaxilənin hazırlanmasını dəstəkləmədiyini qeyd etdi.
“Biz diplomatik həll yolu tapmaq üçün çalışırıq, Nigerdə müharibənin qarşısını mütləq almalıyıq. Əlbəttə, demokratiya bərpa olunmalıdır, prezident Məhəmməd Bazum mütləq azadlığa buraxılmalıdır. Amma biz hərbi müdaxilə, Avropanın hərbi müdaxiləsi haqqında düşünməməliyik, hər cür müdaxilədən uzaq durmalıyıq”, – deyə Tajani izah edib.
O əlavə edib ki, Qərb dövlətlərinin Afrika respublikası ərazisində hərbi kontingenti var. Tajani vurğulayıb ki, bunlar Niger ordusuna təlim keçən qüvvələrdir.
Mənbə: BBC
