İtaliyanın xarici işlər naziri Antonio Tajani Qəzza zolağından İsrail ərazisinə edilən hücumları pisləyib.
X sosial şəbəkəsindəki səhifəsində o, Fələstin tərəfini “zorakılığı dayandırmağa” çağırıb.
“İtaliya hökuməti İsrailə hücumu qətiyyətlə pisləyir. Bu, insanların həyatına, regionun təhlükəsizliyinə və istənilən siyasi proseslərə təhlükədir. Həmas bu vəhşi zorakılığı dərhal dayandırmalıdır”, – Tayani yazıb.
O, İtaliyanın İsrailin “varlıq və özünümüdafiə” hüququnu dəstəklədiyini vurğulayıb.
Mənbə: A Haber
