Keçmiş iki divizion UFC çempionu Konor Makqreqor Ağ Evdə döyüşmək üçün müqavilə imzaladığını açıqlayıb.
Doğru.az xəbər verir ki, Makqreqor Fox News-a müsahibəsində “Müqavilə hazırlanıb, imzalanıb, təhvil verilib. Mən Amerikanın 250 illik yubileyi üçün Ağ Evdə döyüşəcəyəm”, – deyib.
UFC-nin Ağ Evdə keçiriləcək nömrəli tədbiri 2026-cı ilin iyununda baş tutacaq. Makqreqor həmin tədbirdə Maykl Çandlerlə qarşılaşacaq.
Qeyd edək ki, irlandiyalı döyüşçü qarışıq döyüş sənəti karyerasında 28 dəfə rinqə çıxıb, 22 qələbə, 6 məğlubiyyət alıb. Son iki görüşündə isə amerikalı Dastin Puaryeyə uduzub – əvvəlcə nokautla, daha sonra ayağının sınması səbəbindən. Makqreqorun son döyüşündən 4 il 3 ay keçib.
DOĞRU.AZ
