Tibb elmləri namizədi, Gemotest laboratoriyasının eksperti Olqa Ulankina RT-yə bildirib ki, koronavirusun yeni “stratus” variantı “omikron” ailəsinə aiddir və yüksək yoluxucu hesab olunur.
Doğru.az xəbər verir ki, ölkə daxilində virus artıq kifayət qədər aktiv şəkildə yayılıb və yüzlərlə hal təsdiqlənib.
Həkimin sözlərinə görə, “stratus”un əsas xüsusiyyəti səsin kəskin xırıltısı və bəzən müvəqqəti itirilməsi ilə müşayiət olunmasıdır. Yoluxmuşların əksəriyyəti infeksiyanın ilk günlərində bu əlaməti yaşayır.
Əks halda xəstəlik adi kəskin respirator virus infeksiyasına bənzəyir: öskürək, axan burun, yüksəlmiş bədən istiliyi, zəiflik, titrəmə və baş ağrısı müşahidə olunur. Qripdən fərqli olaraq, “stratus” daha yumşaq başlayır, lakin iki-üç həftəyə qədər davam edə bilər.
Həkim əlavə edib ki, bu tip virus nisbətən zərərsiz hesab olunur.
DOĞRU.AZ
