Sentyabrın 12-dən etibarən Latviya Gömrük İdarəsi Rusiyada qeydiyyatda olan avtomobillərin, o cümlədən Belarus sərhədindən keçirilməsinə qadağa qoyub.
RİA Novosti bu barədə idarənin mətbuat xidmətinə istinadən xəbər verir.
“Avropa Komissiyasının izahatlarına və Xarici İşlər Nazirliyinin rəyinə əsasən, Dövlət Gəlirləri Xidməti bildirir ki, bu gündən, sentyabrın 12-dən etibarən Rusiya Federasiyasında qeydiyyatda olan nəqliyyat vasitələri olan şəxslərin sərhəd-keçid məntəqələri vasitəsilə Avropa İttifaqına daxil olması qadağan edilib. Latviyanın Rusiya və Belarusla sərhədində”, – nəşr yazır.
O da bildirilir ki, daxil olanlar Rusiya və ya Belarusa qayıtmaqdan imtina edərlərsə, avtomobil müsadirə olunacaq.
Mənbə: RİA Novosti
