Macarıstanın xarici işlər naziri Peter Szijjarto bildirib ki, Macarıstan hakimiyyəti Stokholmun kursunu təsdiqləməkdən ibarət olan İsveçin Şimali Atlantika Alyansına daxil olması ilə bağlı öz mövqeyini saxlayır.
O, öz Facebook səhifəsində qeyd edib ki, Nazirlər Kabineti bir neçə ay əvvəl müvafiq sənədləri təsdiq üçün respublika parlamentinə təqdim edib.
“Macarıstanın mövqeyi aydındır: insanların həyatını xilas etmək üçün bizə Ukraynada mümkün qədər tez sülh lazımdır. Bizim İsveçlə bağlı mövqeyimiz də aydındır: hökumət onun NATO-ya daxil olmasını dəstəkləyir, bununla bağlı biz bir neçə ay əvvəl parlamentə bu məsələ ilə bağlı təklif vermişik. İndi yalnız ratifikasiya prosesini texniki cəhətdən başa çatdırmaq qalır”, – Szijarto yazıb.
O, həmçinin əlavə edib ki, Macarıstanın baş naziri Viktor Orbanla birlikdə Litvada NATO-nun sammitinə gedir. Szijarto vurğulayıb ki, həm İsveçin üzvlüyü, həm də Ukraynadakı münaqişə tədbirin mövzusu olacaq.
Mənbə: BBC
