Macarıstan Prezidenti Katalin Novak Ukraynanın Transkarpat bölgəsinə səfər edib və burada yaşayan macar azlığının nümayəndələri ilə görüşüb.
Berehovedə yerli sakinlərlə görüşdən fotolar prezidentin sosial şəbəkələrində yayımlanıb. Görüşün digər təfərrüatları açıqlanmayıb.
Novak Ukraynaya işgüzar səfəri zamanı Transkarpat Regional Hərbi Administrasiyasının rəhbərliyi ilə də görüşüb və sərhədyanı əməkdaşlığın gücləndirilməsini müzakirə edib. Söhbət xüsusilə humanitar dəstək, qaçqınlara yardım, Macarıstanda ukraynalı uşaqların istirahətinin təşkili, ekoloji, təhsil, mədəni və digər təşəbbüslərin həyata keçirilməsindən gedirdi.
Avqustun 23-də Novak üçüncü Krım Platforması Forumunun keçiriləcəyi Kiyevdə Ukrayna Prezidenti Vladimir Zelenski ilə görüşməlidir.
Mənbə: TASS
