Macarıstanın baş naziri Viktor Orban hesab edir ki, Donald Trampın ABŞ prezidentliyinə qayıdacağı təqdirdə Ukraynadakı münaqişənin sona çatması mümkündür.
O, bu barədə amerikalı jurnalist Taker Karlsona müsahibəsində bildirib.
Macarıstan hökumətinin başçısına Ukrayna münaqişəsində növbəti addım kimi ABŞ-ın hazırkı prezidenti Co Baydenin yerinə nə edəcəyi ilə bağlı sual verilib.
Orban cavabında “Dərhal sülh” dedi.
O, həmçinin qeyd edib ki, Trampın ABŞ prezidentliyinə qayıtması “mütləq çıxış yolu olardı”. Macarıstanlı siyasətçinin sözlərinə görə, Ağ Evin keçmiş rəhbəri “bir çox səbəblərə görə tənqid oluna bilər, lakin o, onilliklərin ən yaxşı xarici siyasətini həyata keçirib”.
Mənbə: BBC
