Macarıstanın xarici işlər naziri Péter Szijyarto bildirib ki, beynəlxalq ictimaiyyət Rusiya ilə əlaqə kanallarını saxlamalıdır, əks halda Ukraynada münaqişənin həllinə ümid qalmayacaq.
TASS xəbər verir ki, bunu Szijarto BMT Təhlükəsizlik Şurasının Ukrayna üzrə iclasında çıxışı zamanı deyib.
Macarıstan XİN rəhbərinin sözlərinə görə, əgər Rusiya ilə əlaqə kanalları bağlanırsa, bu, sülhə nail olmaq üçün istənilən ümiddən əl çəkmək deməkdir. Szijarto vurğulayıb ki, sülhə nail olmaq üçün səy göstərmək və bu məqsədlə lazım olan bütün missiyaları yerinə yetirmək lazımdır. Bununla əlaqədar olaraq, macar nazir Roma Papası I Fransiskə, Türkiyə Prezidenti Rəcəb Tayyib Ərdoğana və Afrika dövlətlərinin rəhbərlərinə Ukraynadakı münaqişənin həlli istiqamətində göstərdikləri sülhməramlı səylərə görə təşəkkür edib.
Mənbə: TASS
