Masallı rayon Heydər Əliyev Mərkəzində “2 fevral – Azərbaycan Gəncləri günü”nün təsis edilməsinin 25 illiyi münasibətilə tədbir keçirilib.
Doğru.Az xəbər verir ki, tədbir öncəsi Ümummilli Lider Heydər Əliyevin abidəsi ziyarət edilib.Tədbir Ulu öndərimizin və Vətənimizin ərazi bütövlüyü uğrunda şəhid olanların xatirəsinin bir dəqiqəlik sükutla yad edilməsi ilə başlayıb.
Tədbirdə Masallı Rayon İcra hakimiyyətinin başçısı Şahin Məmmədov,Masallı Rayon Gənclər və İdman İdarəsinin rəisi Sabiq Cahangirov,
Regional Hüquqi və İqtisadi Maarifləndirmə İctimai Birliyinin sədri Arzu Bağırova da iştirak edib.
Masallı Rayon İcra Hakimiyyətinin başçısı Şahin Məmmədov gəncləri əlamətdar gün münasibətilə təbrik edərək, onlara xoşbəxt və firavan gənclik, sağlam həyat və uğurlu gələcək arzulayıb.
Regional Hüquqi və İqtisadi Maarifləndirmə İctimai Birliyinin sədri Arzu Bağırova gənclərə gələcək fəaliyyətlərində uğurlar arzulayıb, onları bütün sahələrdə fəal, vətənpərvər olmağa çağırıb.
Rayonun ictimai-siyasi həyatında fəal iştirakına görə bir sıra gənclərə Masallı Rayon İcra Hakimiyyətinin, Masallı Gənclər və İdman İdarəsini Fəxri Fərmanları, Regional Hüquqi və İqtisadi Maarifləndirmə İctimai Birliyinin hədiyyələri təqdim edilib.
DOĞRU.AZ