Aprel ayının 9-da Salyan rayon Çuxanlı kənd Şəhidi Şirinov Kamil Əliş oğlunun doğum günündə Şəhidin böyüyüb boya-başa çatdığı evin qarşısında Xatirə Kompleksinin açılış mərasimi keçirildi.
Doğru.Az xəbər verir ki, tədbirdə, Ana Vətən Partiyası sədrinin Humanitar və Kommunikasiya məsələlər üzrə müşaviri, AVP Qadınlar Şurasının sədri Günay Ağamalı iştirak edib.
Günay Ağamalı tədbirdə çıxış edərək Dəmir Yumruq əməliyyatı zamanı yeni tarix yazan Müzəffər Ali Baş Komandanın və igid oğullarımızın şücaətindən, onların qəhrəmanlığından söz açdı. Ölkə başçımız Cənab İlham Əliyevin və Birinci Vitse-Prezidentimiz Mehriban Xanım Əliyevanın daim şəhid və qazi ailələrinə olan diqqət və qayğısına hər bir azərbaycanlının dəstək olmasının vacibliyini xüsusi vurğuladı.
Daha sonra Şəhid Kapitan Kamil Şirinovun əziz xatirəsini anmaq üçün Şəhidin məzarı ziyarət edildi, ruhuna dualar oxundu.
DOĞRU.AZ