Müəllimlərin işə qəbulu üzrə keçirilən müsabiqənin test imtahanı mərhələsinə iyulun 3–4 və 8–10-da ümumilikdə 65 min 572 namizəd dəvət edilib.
Doğru.az xəbər verir ki, bu barədə Təhsil İnstitutu nəzdində fəaliyyət göstərən İnsan Resursları Mərkəzindən məlumat verilib. Bildirilib ki, test mərhələsində iştirak edənlərin davamiyyəti 82,7 faiz təşkil edib.
İyulun 10-da keçirilən imtahanlarla bağlı apellyasiya müraciətlərinin qəbuluna iyulun 11-i saat 12:00-dan başlanacaq. Bu barədə ictimaiyyətə əlavə məlumat veriləcək.
Müsabiqənin növbəti mərhələsi ilə bağlı isə yaxın günlərdə məlumat açıqlanacaq.
DOĞRU.AZ
