ABŞ Kosmik Agentliyi 2032-ci ilə qədər Ay səthində yaşayış üçün yararlı Amerika stansiyası qurmağı planlaşdırır.
Doğru.az xəbər verir ki, NBC News-un yaydığı məlumata görə, NASA bu ilin sonuna qədər Aya üç pilotsuz missiya göndərəcək.
Məlumata əsasən, bu missiyalar gələcək Ay bazasının yaradılması istiqamətində ilk addım hesab olunur. Layihənin birinci mərhələsinin 2029-cu ilə qədər davam edəcəyi bildirilir.
Daha sonra Ayda yarı-daimi yaşayış strukturlarının qurulması nəzərdə tutulur. 2032-ci ildən isə Ay səthində daimi fəaliyyət göstərən baza yaradılması planlaşdırılır.
Qeyd olunur ki, gələcəkdə astronavtlar növbəli şəkildə Ayda fəaliyyət göstərəcəklər. ABŞ prezidenti Donald Trump isə daha əvvəl ABŞ-ın Ay yarışında Çini qabaqlamaq niyyətində olduğunu açıqlayıb.
DOĞRU.AZ
