Misir və Qətər ABŞ prezidenti Donald Trampın Qəzza zolağında münaqişəyə son qoymaq planını Fələstinin HƏMAS hərəkatına təqdim edib.
Doğru.az xəbər verir ki, “Əl-Cəzirə”nin mənbəsinə görə, HƏMAS vasitəçilərə təklifi öyrənəcəyinə söz verib.
Sentyabrın 29-da Ağ Ev Trampın planını açıqlayıb. Sənəd qoşunların çıxarılmasını, girovların azad edilməsini və Qəzzada Beynəlxalq Stabilləşdirmə Qüvvələrinin yaradılmasını nəzərdə tutur. ABŞ-ın təkliflərinə Fələstin anklavının İsrail tərəfindən ilhaqı və ya işğalı daxil deyil.
Bundan əvvəl İsrailin baş naziri Benyamin Netanyahu HƏMAS-ı plandan imtina edəcəyi halda məhv ediləcəyi ilə hədələmişdi.
DOĞRU.AZ
