Futbol üzrə Misli Premyer Liqasının XII turuna yekun vurulub.
Doğru.az xəbər verir ki, turun son oyun günündə iki qarşılaşma keçirilib. Günün ilk matçında “Sabah” doğma meydanda “Şamaxı”nı qəbul edib və qarşılaşma qolsuz heç-heçə ilə başa çatıb.
Turun bağlanış oyununda isə “Neftçi” gözlənilmədən evdə “İmişli”yə 2:3 hesabı ilə uduzub.
Qeyd edək ki, turun əvvəlki matçlarında “Kəpəz” “Karvan-Yevlax”ı 2:1, “Qarabağ” “Sumqayıt”ı 4:2, “Zirə” isə “Qəbələ”ni 1:0 hesabı ilə məğlub edib. “Araz-Naxçıvan” – “Turan Tovuz” görüşü isə 1:1 hesabı ilə başa çatıb.
DOĞRU.AZ
