Moldovanın xarici işlər naziri Niku Popesku Telegram kanalında bildirib ki, ölkə Avropa Komissiyasının (AK) Aİ-yə daxil olmaq üzrə danışıqlar üçün zəruri olan 9 tövsiyəsindən üçünə əməl edib.
“Moldova Avropa Komissiyasının doqquz tövsiyəsindən üçünü tam yerinə yetirib, digər üç tövsiyəyə gəldikdə isə, onlar 50%-dən çox yerinə yetirilib, lakin onların yerinə yetirilməsi üçün hələ də bəzi addımlar atılmalıdır”, o yazıb.
Nazirin sözlərinə görə, daha üç tövsiyənin icrasına başlanılıb, “müəyyən” irəliləyiş əldə olunub, lakin hələ də “əsaslı” tədbirlərin görülməsinə ehtiyac var.
Mənbə: Haber Global
