Soyuq müharibə başa çatdıqdan sonra ilk dəfə olaraq NATO Rusiya Federasiyası ilə münaqişə vəziyyətində genişmiqyaslı müdafiə planı hazırlayır.
Bu barədə “Reuters” məlumat yayıb.
NATO Hərbi Komitəsinin rəhbəri Rob Bauer bildirib ki, alyans ölkələri Rusiya ilə münaqişənin hər an başlaya biləcəyinə hazır olmalıdırlar.
Agentlik qeyd edir ki, əvvəllər NATO daha kiçik miqyaslı münaqişələrdə, məsələn, Əfqanıstan və İraqda iştirak etdiyi üçün irimiqyaslı hərbi planlar hazırlamağa ehtiyac görmürdü. Şimali Atlantika Alyansı həmçinin üzv ölkələrin hərbi qüvvələrini və maddi-texniki təchizatını yaxşılaşdırmaq üçün təlimatlar üzərində işləyir.