Norveçin baş naziri Jonas Gahr Stere öz Twitter hesabında bildirib ki, İsveçin NATO-ya daxil olması alyansı gücləndirəcək və Skandinaviya regionunda təhlükəsizliyi artıracaq. Bazar ertəsi, iyulun 10-da NATO-nun baş katibi Yens Stoltenberq bəyan edib ki, Türkiyə prezidenti Rəcəb Tayyib Ərdoğan Vilnüsdə İsveçin baş naziri Ulf Kristersson ilə görüşündən sonra Ərdoğan Stokholmun ratifikasiya təklifini “mümkün qədər tez” Türkiyə parlamentinə təqdim etməyə razılaşıb.
“Bu, İsveç, Norveç, Şimali region və NATO üçün tarixi hadisədir. Stoltenberq, Ərdoğan və Kristerssonun bu gün əldə etdiyi razılaşmanı alqışlayırıq. Skandinaviya regionunun NATO-ya daxil olması alyansı daha da sabit və regionumuzu daha təhlükəsiz edir”, – Norveçin baş naziri yazıb.
Türkiyənin xarici işlər naziri Hakan Fidan bir müddət əvvəl bildirib ki, İsveç terrorizmlə mübarizəyə yanaşmanın dəyişdiyini sübut etmək və NATO-ya üzv olmaq üçün sadəcə qanunda islahatlar aparmalı deyil, hərəkətə keçməlidir. Onun sözlərinə görə, Türkiyədə qadağan olunmuş Kürdüstan Fəhlə Partiyasının İsveçdə fəaliyyəti davam etdiyi müddətcə qanunvericiliyə edilən dəyişikliklər mənasızdır.
Mənbə: Gazeta.ru
