ABŞ dövlət katibinin siyasi məsələlər üzrə müavini Viktoriya Nuland Nigerdə dövlət çevrilişi edən hərbçilərlə görüş zamanı xəbərdarlıq edib ki, ölkə hərbi və iqtisadi yardımda yüz milyonlarla dollar itirə bilər. TASS xəbər verir ki, bunu Amerika Xarici İşlər Nazirliyinin mətbuat xidmətinin rəhbəri Metyu Miller deyib.
Millerin sözlərinə görə, Nuland Nigerə Vaşinqtonun ölkədə baş verən hadisələrdən “ciddi narahatlığını” və “demokratiya və konstitusiya quruluşunu” dəstəkləmək əzmini ifadə etmək üçün səfər edib. Birləşmiş Ştatlar Niger prezidenti Məhəmməd Bazumu, onun ailəsini və “hakimiyyətin konstitusiyaya zidd olaraq ələ keçirilməsi” cəhdində saxlanılanların hamısını dərhal azad etməyə çağırır.
Miller qeyd edib ki, Nulandın görüşdə Nigerin iqtisadi və təhlükəsizlik yardımlarından yüz milyonlarla dollar itirməsi təhlükəsindən danışıb. Rəsmi Vaşinqtonun Niger hökumətinə dəstəyi qismən dayandırmaq qərarına gəldiyinə aydınlıq gətirib. O əlavə edib ki, ölkədə vəziyyət inkişaf etdikcə ABŞ hakimiyyəti Nigerə əlavə yardım imkanlarını dəyərləndirəcək.
Mənbə: TASS
