Macarıstanın baş naziri Viktor Orban Avropa İttifaqı Şurasının miqrantların bölüşdürülməsi ilə bağlı qərarını tənqid edib.
Macarıstanın baş naziri özünün Facebook səhifəsində Brüsseli hakimiyyətdən sui-istifadədə ittiham edib.
“Brüssel öz səlahiyyətlərindən sui-istifadə edir. Onlar miqrantları zorla Macarıstana aparmaq istəyirlər. Bu, qəbuledilməzdir!” o yazdı.
Orban hesab edir ki, Aİ “Macarıstanı güc yolu ilə immiqrantlar ölkəsinə çevirmək” istəyir.
Aİ ölkələri Polşa və Macarıstanın müqavimətinə baxmayaraq, miqrantların köçürülməsi məsələsində razılığa gəliblər. Aİ Şurası qərara aldı ki, ölkələrin üç variantı olacaq: onlar miqrantları qəbul edə, qəbul edilməyənlərin pulunu ödəyə biləcəklər və ya “əməliyyat yardımı” deyilənləri seçə biləcəklər. Qaçqınları qəbul etməkdən imtina edən ölkələr adambaşına 20 min avro ödəməli olacaqlar. Bolqarıstan, Litva, Malta və Slovakiya sazişin lehinə səsvermədə bitərəf qalıb, Macarıstan və Polşa isə onu dəstəkləməyəcəklərini bildiriblər.
Mənbə: Lenta.ru
