Macarıstanın Baş naziri Viktor Orban ölkənin seçki kampaniyasına görünməmiş xarici müdaxilə barədə xəbərdarlıq edib.
Doğru.az xəbər verir ki, bu barədə RIA Novosti məlumat yayıb.
Orban Budapeştdə keçirilən mitinqdə bildirib ki, seçki kampaniyası dövründə ölkə misli görünməmiş miqyasda xarici müdaxilə ilə üzləşib və bunun arxasında xüsusi xidmət orqanlarının dayandığını iddia edib.
Baş nazir çıxışında xarici işlər naziri Peter Szijjartonu misal çəkərək deyib ki, guya onun haqqında məlumat verilmədən hətta nənəsinə zəng etməsi belə mümkün deyil. Orban Szijjartoya qarşı səsləndirilən ittihamlara şübhə ilə yanaşdığını vurğulayıb və Avropa İttifaqı nazirlərinin smartfonlardan istifadə etdiyini, buna görə də onların danışıqlarının izlənilə biləcəyini qeyd edib.
Bundan əvvəl Rusiya prezidentinin mətbuat katibi Dmitri Peskov Orbanı ölkəsinin maraqlarını müdafiə edən təsirli siyasətçi adlandırmışdı. Baş nazir əlavə edib ki, rəqibləri hakimiyyətə gəlmək üçün hər cür vasitədən istifadə etməyə hazırdırlar.
DOĞRU.AZ
