Sentyabrın 29-da II Azərbaycan–Özbəkistan Media Forumu çərçivəsində ölkəmizdə səfərdə olan Özbəkistan nümayəndə heyəti Medianın İnkişafı Agentliyinin icraçı direktoru Əhməd İsmayılov və Audiovizual Şuranın sədri İsmət Səttarov ilə birlikdə Zəfər parkına baş çəkib.
Doğru.az xəbər verir ki, qonaqlar Vətən müharibəsi şəhidlərinin xatirəsinə ucaldılmış Zəfər abidəsini ziyarət edib, önünə gül dəstələri düzüblər. Onlar Azərbaycanın ərazi bütövlüyü və suverenliyi uğrunda canından keçmiş qəhrəmanların xatirəsini ehtiramla yad ediblər.
Nümayəndə heyətinə parkın yaradılma məqsədi, tarixi Qələbənin əbədiləşdirilməsi və burada inşa olunan Zəfər muzeyi barədə ətraflı məlumat verilib.
DOĞRU.AZ
