Səmərqənddə 50-yə yaxın insan yerli fastfud yeməkdən sonra zəhərlənmə əlamətlərindən şikayətlənib.
Bu barədə STV məlumat yayıb.
Hadisə ötən gün baş verib. Bütün qurbanlar Rudaki küçəsindəki satış məntəqələrindən birində sosiska yeyiblər. Bundan sonra azyaşlı uşaqlar da daxil olmaqla 49 nəfər xəstəxanaya yerləşdirilib.
Hazırda 29 xəstənin vəziyyəti qənaətbəxşdir, onlar xəstəxanadan buraxılıblar. Daha 20 vətəndaşın müalicəsi davam edir, lakin onların vəziyyəti getdikcə yaxşılaşır.
Hadisədən sonra hüquq-mühafizə orqanlarının əməkdaşları iaşə məntəqəsinin fəaliyyətini dayandırıb. Mütəxəssislər kütləvi zəhərlənmənin səbəbini müəyyən etməyə kömək edəcək müayinələr üçün qida nümunələri götürdülər.
Mənbə: Gazeta.ru
