İran prezidenti Məsud Pezeşkian iyun ayında İsrailin endirdiyi zərbələr nəticəsində ayağından zədə alıb.
Doğru.az xəbər verir ki, Fars xəbər agentliyinin məlumatına görə, iyunun 16-da İsrail Müdafiə Qüvvələri (İDF) Tehranda zirzəmisində İranın yüksək rütbəli rəsmilərinin iclasının keçirildiyi binaya hücum edib.
Hadisə zamanı İran hökumətinin bir sıra rəsmiləri, o cümlədən Pezeşkian təxliyə edilərkən yüngül xəsarət alıb.
Məqalədə qeyd edilir ki, İsrail daha sonra binanın giriş-çıxışlarını 6 idarə olunan raketlə vurub.
Qeyd edək ki, bundan əvvəl Pezeşkian amerikalı jurnalist Taker Karlsona verdiyi müsahibədə İsrailin ona sui-qəsd edə bilmədiyini bildirmişdi.
DOĞRU.AZ
