Rusiya prezidenti Vladimir Putin braziliyalı həmkarı Luiz İnasio Lula da Silva ilə telefonla danışıb.
Bu barədə Kremlin mətbuat xidməti məlumat yayıb.
Qeyd olunur ki, tərəflər Fələstin-İsrail münaqişəsi zonasındakı vəziyyəti ətraflı müzakirə ediblər.
Kreml həmçinin Braziliya prezidentinin Ukraynadakı münaqişənin siyasi və diplomatik yollarla həlli yollarının tapılmasının tərəfdarı olduğunu bildirib.
“Hər iki tərəf BRİKS və G20 çərçivəsində sıx əməkdaşlığı davam etdirmək istəyini nümayiş etdirib”, – Kreml qeyd edib.
Mənbə: TASS
