Rusiya prezidenti Vladimir Putin tacikistanlı həmkarı Emoməli Rəhmonu ölkənin Müstəqillik Günü münasibətilə təbrik edib.
Onun teleqramı Kremlin saytında dərc olunub.
“Hörmətli Emoməli Şaripoviç, Tacikistan Respublikasının milli bayramı – Müstəqillik Günü münasibətilə səmimi təbriklərimi qəbul edin”, – deyə məlumatda bildirilir.
Putin qeyd edib ki, Tacikistan sosial-iqtisadi inkişaf yolu ilə uğurla irəliləyir, həmçinin regional və beynəlxalq gündəmdə olan mühüm məsələlərin həllində konstruktiv rol oynayır.
O əlavə edib ki, Rusiya-Tacikistan münasibətləri strateji tərəfdaşlıq və müttəfiqlik prinsipləri əsasında qurulub və ölkələr arasında əməkdaşlıq genişlənir.
Mənbə: Lenta.ru
