Qazaxıstanda təlim-məşq toplanışında olan qadın futbolçulardan ibarət Azərbaycan milli komandası ikinci yoldaşlıq görüşünü keçirib.
Doğru.az xəbər verir ki, baş məşqçi Siyasət Əsgərovun rəhbərlik etdiyi kollektiv yenidən Qazaxıstan seçməsi ilə qarşılaşıb. Şımkənt şəhər stadionunda təşkil olunan oyun yığmamızın minimal hesablı qələbəsi ilə başa çatıb. Qarşılaşmadakı yeganə qol 82-ci dəqiqədə Nigar Mirzəliyeva tərəfindən vurulub.
Qeyd edək ki, oktyabrın 24-də keçirilən ilk matçda da Azərbaycan millisi 2:1 hesabı ilə qalib gəlmişdi.
DOĞRU.AZ
