Azərbaycanın UEFA Çempionlar Liqasındakı təmsilçisi “Qarabağ” bu gün V tur çərçivəsində İtaliyada “Napoli”nin qonağı olacaq.
Doğru.az xəbər verir ki, oyun “Dieqo Armando Maradona” stadionunda Bakı vaxtı ilə gecə saat 00:00-da başlayacaq və polşalı FIFA referisi Şimon Marçinyak tərəfindən idarə olunacaq.
Hər iki komanda ciddi itkilərlə çıxacaq. “Napoli”də Andre-Zambo Anqissa, Kevin De Bruyne, Romelu Lukaku, Billi Gilmor və Leonardo Spinazzola zədəlidir. Ağdam klubunda isə Kadi Borges və Şahruddin Məhəmmədəliyev eyni səbəbdən oyunu buraxacaqlar.
Qeyd edək ki, ilk 4 turdan sonra “Qarabağ” 7 xalla turnir cədvəlinin 15-ci pilləsindədir. “Napoli” isə 4 xalla 24-cü sırada qərarlaşıb.
DOĞRU.AZ
