Dövlət katibi Marko Rubio bildirib ki, ABŞ-ın Suriyada səfirliyinin açılması təhlükəsizliklə bağlı narahatlıqlar səbəbindən ləngiyir, çünki ölkədə silahlı qruplaşmalar fəaliyyətini davam etdirir və real təhlükə yaradır.
“Söhbət keçid hakimiyyəti orqanlarından getmir – onların zərər verəcəyini düşünmürük. Problem yerdəki təhlükə yaradan digər elementlərdədir”, – Rubionun sözləri sitat gətirir.
O əlavə edib ki, həm Suriyaya gələnlərin, həm də onu tərk etməyə məcbur ola biləcəklərin təhlükəsizliyini təmin etmək lazımdır.
Dövlət katibi Suriyadakı qeyri-sabit vəziyyətə də diqqət yetirərək qeyd edib ki, yeni təhdidlərin yaranması, o cümlədən müvəqqəti hökumətin süqutu ehtimalı yaxın həftələrdə respublikada genişmiqyaslı vətəndaş müharibəsinə səbəb ola bilər.
Bundan əvvəl Suriya hakimiyyəti vətəndaş sülhünün qorunmasının vacibliyini bəyan etmişdi.
DOĞRU.AZ
