TASS xəbər verir ki, Rumıniya Xarici İşlər Nazirliyi Rusiyanın Buxarestdəki səfirliyinin 40 əməkdaşının Rumıniya hakimiyyətinin Rusiya diplomatik missiyasının ştatlarının ixtisarına dair tələblərinə uyğun olaraq iyulun 1-də ölkəni tərk edəcəyini açıqlayıb.
Diplomatların ailələri ilə birlikdə ölkəni tərk edəcəkləri qeyd edilir. Beləliklə, Rumıniyadan Rusiyaya 80 nəfər qayıdacaq.
İyunun 8-də Rusiya Xarici İşlər Nazirliyinin sözçüsü Mariya Zaxarova bildirib ki, Rusiya Rumıniyanın Rusiya Federasiyasının Buxarestdəki səfirliyinin işçilərini ixtisar etmək qərarını “düşmən hücumu” kimi qiymətləndirir. Diplomatın sözlərinə görə, iki ölkə arasında münasibətlər Rumıniya tərəfinin “səyləri” ilə “artıq acınacaqlı vəziyyətə gətirilib”.
Bundan əvvəl Rumıniya Xarici İşlər Nazirliyi Rusiya səfirliyinin 50-dən çox əməkdaşının 30 gün ərzində ölkəni tərk etməsini tələb edib.
Mənbə: TASS
