Rusiya Xarici İşlər Nazirliyinin rəsmi nümayəndəsi Mariya Zaxarova bir sıra gürcü siyasətçilərinin Rusiya Federasiyası ilə Gürcüstan arasında birbaşa uçuşların bərpası ilə bağlı tənqidlərinə münasibət bildirib.
“Əgər siz kiminsə verdiyi sifarişi deyil, öz xalqınızı təmsil edirsinizsə, eyni vaxtda iki ölkədə yaşayan vətəndaşların və ailələrin sayını nəzərə alsaq, birbaşa uçuşun əleyhinə ola bilməzsiniz”, – diplomat öz Teleqram kanalında yazıb.
Mayın 10-da Rusiya Federasiyasının Prezidenti Vladimir Putin Rusiya aviaşirkətlərinin Gürcüstana uçuşlarına 2019-cu ilin iyun ayından qüvvədə olan qadağanı ləğv edib və Rusiyaya gələn Gürcüstan vətəndaşları üçün də vizasız rejim bərpa edilib.
