Seneqal prezidenti Macky Sal deyib ki, Afrika Rusiya ilə Ukrayna arasında sülh istəyir, əmindir ki, bu sülh kompromis və dialoq yolu ilə əldə edilə bilər.
Kremlin Teleqram kanalı xəbər verir ki, bu barədə o, Rusiya lideri Vladimir Putinlə danışıqlarda bildirib.
Sal həmçinin Ukraynada hərbi əsir mübadiləsi kimi humanitar səylərin artırılmasına çağırıb. Seneqal lideri həmçinin iyunun 9-da Rusiya tərəfindən ukraynalı məhbusların azad edilməsini alqışlayıb.
İyunun 17-də Putinin Sankt-Peterburqdakı Konstantinovski sarayında Afrika ölkələrindən gələn nümayəndə heyəti ilə danışıqlar apardığı bildirilir.
Rusiya Federasiyasının prezidenti bəyan edib ki, Rusiya ədalət prinsipləri əsasında sülh bərqərar etmək istəyən hər kəslə konstruktiv dialoqa hazırdır.
Mənbə: TASS
