Koreya İşçi Partiyasının (WPK) Mərkəzi Komitəsinin şöbə müdiri Kim Sonq Nam bildirib ki, KXDR lideri Kim Çen Inın Rusiyaya səfəri dünyada vəziyyəti kökündən dəyişib.
KXDR-in dövlət radiosu “Koreya səsi” xəbər verir ki, o, bu barədə Siyasi Büronun iclasında WPK Mərkəzi Komitəsinin Rəyasət Heyəti adından bildirib.
Məlumata görə, Kim Sonq Nam qeyd edib ki, səfər Pxenyanla Moskva arasında münasibətləri “yeni zamanın tələblərinə uyğun olaraq yeni strateji zirvəyə qaldırıb və qlobal siyasi vəziyyəti kökündən dəyişib”.
WPK Mərkəzi Komitəsinin Siyasi Bürosu səfərin “istənilən nəticəni əldə etdiyini” bildirib və bununla bağlı Şimali Koreya liderini təbrik edib.
Sentyabrın 20-də Kremlin sözçüsü Dmitri Peskov brifinqdə Şimali Koreya lideri Kim Çen Inın Rusiyaya səfərinin hadisəli keçdiyini, yüksək rütbəli qonağın bir çox mühüm obyektlərlə tanış olduğunu bildirib.
Onun sözlərinə görə, səfərin prezidentlər hissəsi kifayət qədər konstruktiv olub.
Mənbə: Haber Global
