Türkiyənin diplomatik dairələrindəki mənbədən alınan məlumata görə, yaxın vaxtlarda Türkiyədə beynəlxalq qaz qovşağının yaradılması ilə bağlı yol xəritəsi nəzərdən keçirilə və təsdiqlənə bilər.
Hazırda bu məsələ ilə bağlı Türkiyənin Energetika Nazirliyi ilə “Qazprom” arasında danışıqlar aparılır və yol xəritəsinin imzalanmasından sonra tərəflərin onun həyata keçirilməsinə başlayacağı gözlənilir. Konkret tarixləri adlandırmaq hələ də çətindir.
Bildirilib ki, Azərbaycan Türkiyədə qaz qovşağının reallaşdırılmasında iştirak etməyə hazırdır.
Mənbə: TASS
