Qazaxıstan prezidenti Kasım-Jomart Tokayev hökumətə Qırğızıstanla sərhəddəki keçid məntəqələrində yaranmış vəziyyəti həll etməyi tapşırıb.
Bu barədə Qazaxıstan liderinin mətbuat xidməti Telegram-da məlumat yayıb.
“Dövlət başçısı Qazaxıstan-Qırğızıstan sərhədində yaranmış vəziyyəti ölkələrimiz arasında tərəfdaşlıq və qardaşlıq münasibətləri ruhunda həll etməyi hökumətə tapşırıb”, – məlumatda deyilir.
Tokayev həmçinin sərhəddən qeyri-qanuni yüklərin daşınmasının qarşısını almaq üçün rəqəmsallaşma və avtomatlaşdırmanın daha fəal tətbiqi məsələsi ilə bağlı Qırğızıstan nümayəndələri ilə danışıqların davam etdirilməsinin vacibliyini qeyd edib.
Mənbə: Sputnik
