Respublikaçılar Partiyasından prezidentliyə namizəd Donald Tramp bildirib ki, o, dövlət başçısı postuna gəlsə, Çin Tayvana qarşı heç bir zorakı qərardan istifadə etməyəcək.
O, bu barədə radio aparıcısı Hugh Hewitt-ə müsahibəsində bildirib.
“Mənim Xi Jinping ilə gözəl münasibətim var idi, gözəl və hamı ilə. Tayvan üçün narahat olmaq lazım deyil. Mən prezident olsam, heç vaxt Tayvana qarşı [aqressiv hərəkətlər] olmayacaq, yəni prezident olsam Çin heç vaxt Tayvana daxil olmayacaq. Heç şansı da yoxdur”, – Tramp bildirib.
O, həmçinin qeyd edib ki, əgər ABŞ prezidenti vəzifəsində çalışsaydı, “Rusiya heç vaxt Ukraynaya getməzdi”.
Əvvəllər bildirilmişdi ki, ABŞ 2024-cü ildə 11 ədəd HIMARS reaktiv yaylım atəş sistemini (MLRS) Tayvana təhvil verəcək. Yardım paketinə həmçinin ekipaj hazırlığı üçün iki simulyator və 64 ATACMS taktiki raketi daxil olacaq. 2024-cü ilin büdcəsində müvafiq məqsədlər üçün 6,85 milyard NT$ (təxminən 214 milyon ABŞ dolları) məbləğində maliyyələşmənin nəzərdə tutulduğu aydınlaşdırılır.
Mənbə: Haber Global
