ABŞ prezidenti Donald Tramp bildirib ki, Avropa Komissiyasının sədri Ursula fon der Leyeni daşıyan təyyarədə onun telefon siqnalı bloklansa, bundan məmnun olardı.
Doğru.az xəbər verir ki, Tramp bu sözləri Ağ Evdə jurnalistlərlə söhbət zamanı deyib. O, fon der Leyeni daşıyan Bolqarıstan təyyarəsinin enişi zamanı naviqasiya sistemlərinin sıradan çıxmasını “maraqlı hadisə” adlandırıb.
Prezident əlavə edib: “Heç kim bunun haradan gəldiyini bilmir, amma onun telefondan istifadə qabiliyyətini əlindən aldılar. Bilirsiniz, bəzən bu yaxşı bir şeydir. Bu mənim başıma gəlsəydi, çox xoşbəxt olardım.”
Financial Times isə daha əvvəl xəbər vermişdi ki, təyyarənin enişi zamanı naviqasiya sistemində nasazlıq yaranıb və Rusiyanın mümkün müdaxiləsi təyyarənin enişinə təsir edə bilərdi.
DOĞRU.AZ
